Skrywer kollig

Hierdie maand bring ons hulde aan die skryfster Ela Spence wat in 1997 oorlede is. Sy het in haar lewe verskeie boeke in verskillende genres geskryf in beide Afrikaans en Engels. Goudgeel kappertjies en Die blinde orrelis is twee van my gunstelinge.

“Daar is ook ’n ondertoon van godsdiens in feitlik elke roman. Ek glo dat as ’n mens se godsdiens ’n natuurlike deel van jou lewe is, vloei dit vanself deur na wat jy praat of skryf.” (Die Transvaler, 14 November 1979)

Ou boek kollig

My kant van die saak (2008) geskryf deur Jaco Kirsten is ’n keur van sy rubrieke wat in Die Burger verskyn het tussen 2002 en 2007. Sy sterk opinie oor aktuele sake vermeng met sy goeie humorsin maak van hierdie boek ’n skatkis. Hy het ook vir die WEG geskryf en baie mense warm onder die kraag gemaak. Ek het lank na die boek gesoek en dit uiteindelik in ’n 2de handse boekwinkel opgespoor en kon dit net nie neersit nie. Jaco het intussen permanente verblyfreg in Amerika gevind waar hy steeds op ’n vryskutbasis skryf bo en behalwe sy ander besigheidsbelange.

Stories oor plekke en sy mense

• In Afrika is stokdans ’n gewilde sport wat my na my asem laat snak. Soveel energie het ek nie
• Beeldhouwerk in die oog van ’n naald is ’n kuns wat hierdie man bemeester en vervolmaak het.
• Tydens die Anglo-Boereoorlog het die Boere ’n spoorlyn van die Britte opgeblaas en tot hulle verbasing gevind dat die voorrade trein wat weens die ontploffing ontspoor het vol Whiskey was. Boer en Brit het vir ’n wyle vergeet van die oorlog en lekker saam gekuier. Die FAK het onlangs ’n herdenkings fees gehou waar weereens lekker gekuier is.

Nuwe boek kollig

Atta Humphries is doofgebore en in haar boek Die verhaal oor ons lewe van doofheid vertel sy die verhaal van haar familie se genetiese doofheid wat al die afgelope 4 geslagte voorkom. Met hierdie boek wil sy bewusmaking skep vir dowes en die uitdagings wat hulle daagliks te bowe moet kom asook die belangrikheid wat gebaretaal in die lewe van dowes en hulle geliefdes speel.

Skrywer sake

SA Vryskutskrywer bied ’n verskeidenheid bekostigbare kursusse in skryf, redigering en joernalistiek aan. Hulle maak ook skryf kompetisies in Suid-Afrika bymekaar en publiseer dit op hulle webblad.

Video kollig

’n Dadel palmboom uit Jesus se tyd wat wydverspreid in Israel voorgekom het en uitgesterf het, is wonderbaarlik deur wetenskaplikes teruggebring en staan weer trots op sy plek.

Grapjas

Suid-Afrika weet net hoe om humor in die slegste situasie te sien. ’n Anonieme grapjas het Luthulie house die hoofkwartier van die ANC verander na Loothuli en Escom mega watt park verander na Escom mega gravy train park en dit nogal op Google Maps.

Musiek kollig

In my lewe gesing deur Mathys Roets is ’n pragtige nostalgiese lied met aangrypende video beelde

Inspirasie

Zoey Da Silva is ’n jong leukemie leier van Suid-Afrika wat spesiale kankerbehandeling benodig wat net oorsee beskikbaar is. ’n Deurbraak in haar  behandeling is onlangs gemaak deurdat die peperduur behandeling nou in Kaapstad gedoen kan word wat die kostes vir haar en haar familie drasties verminder.

Diere sake

Koeie in Ierland raak in vervoering wanneer hierdie Ouma sing. Dit is te skattig en sal ’n glimlag op jou gesig en ’n huppel in jou stap sit.

Bybel vers

KOLOSSENSE 3:12 AFR83 –

Julle is die uitverkore volk van God wat Hy baie lief het. Daarom moet julle meelewend, goedgesind, nederig, sagmoedig en verdraagsaam wees.

Boelie beef muffins

Witbrood korsies afgesny

Boelie beef

Tamatie en uie smoor

Gerasperde kaas

Voorverhit oond 180 C

Smeer ’n muffin pan met botter

Meng boelie beef met uie smoor

Druk 1 sny brood in elke muffin holte

Vul met boelie beef mengsel

Gerasperde kaas bo-oor

Bak tot bruin en kaas gesmelt

Dankie vir die saam kuier. Terugvoer en versoeke word verwelkom. Tot volgende keer.