10 ongewone beroepe

10 ongewone beroepe

10 ongewone beroepe waarvan min mense kennis dra. Sommige beroepe is uniek van aard en ander is beroepe waaraan ons nie gedink het nie. Hoe ook al beroepe is nie altyd jou voor die hand liggende werke nie.

1. Golf bal uitduiker

Glen Berger het 10 jaar gelede op die idee gekom om golf balle uit te duik nadat hy uit geld en werk uit was. Daar is ongeveer 100 duikers waarvan hy kennis dra. Glen duik meestal by Florida Golf parke vir balle waarna hy dit skoon maak en weer verkoop. Dit blyk ‘n lonende besigheid te wees.

2. Speelgoed ontwerper

Die speelgoed bedryf is groot en iemand moet die speelgoed ontwerp. Speelgoed ontwerpers kan vir hulleself van die huis af werk of inskakel by ‘n speelgoed besigheid se ontwerp span. Vir hierdie beroep moet jy naskoolse kollege kwalifikasies hê of ‘n internskap doen.

3. Etiese kuberkraker

In hierdie beroep toets die etiese kuberkraker die sekuriteit en veiligheid van besighede – privaat en staats instansies. Hulle word ook ingespan om lande se veiligheid en sekuriteit te toets en swak plekke uit te wys. Hierdie beroep vereis ‘n kwalifikasie in Netwerk sekuriteit.

4. Kleur konsultante en Ontwerpers

Ons lewe in ‘n gemeenskap waar kleur ‘n belangrike rol speel. Kleur konsultante is ‘n professionele beroep en het te doen met kleur se interaksie op die mens.

5. Troeteldier kos toetser

Alhoewel daar ook diere is wat help met die toetse word mense ingespan om troeteldier kos te ruik, proe en selfs aan te raak. Verslae word geskryf en punte toegedien.

6. Linne toetser

Jy word betaal om in eksklusiewe 5 ster hotelle oor te slaap en die linnegoed uit te toets. In ruil vir die uitslaap moet jy verslae skryf en punte toedien.

7. Waterwurm Inspekteur

Dink net – jy ry heeldag waterwurms en word betaal daarvoor. Eers word die waterwurm (sonder water) deurgegaan vir defekte voordat dit met water getoets word.

8. Slang melker

Dit is nou omtrent ‘n vreemde tipe werk. Jy word betaal om slange te melk vir hulle gif. Hiervan word dan teen-gif gemaak vir slangbyte. Dus help jy om lewens te red.

9. Rot hanteerder

Rotte is goed daarmee om landmyne uit te snuffel dus sal jy saam met jou rot kollega werk om die land vry te maak van landmyne.

10. Reuk snuffelaar

Vir hierdie beroep moet jou reuk sintuig baie goed wees. Jy snuif mense se kieliebakke asook parfuums en ander skoonheids produkte.

Hierdie 10 ongewone beroepe is net ‘n klein deel van die baie alternatiewe beroepe.

Dankie vir die saam kuier. Praat saam en teken in op die nuusbrief. Lewer kommentaar en vertel ander van die webblad.

4 Comments

  1. scrapydo2.wordpress.com

    3 Junie 2022 at 10:46 nm

    Paar interessante onbekende werke wat jy hier noem. My seun is een van daardie ouens wat brandalarms elektronies aan die gang hou of herstel. Dis alarms vir groot geboue en maatskappye. Hy is ook gedurig besig om dit te vebeter.

    1. Amandaskrywer(Aduppie)

      6 Junie 2022 at 9:49 vm

      Dis ook iets waarvan ek nog nie gehoor het nie. Duidelik is daar vele anderste beroepe daar buite.

  2. Gayle Logie

    3 Junie 2022 at 10:57 vm

    Ek gaan liewerste nie die reuk snuffelaar pos voor aansoek doen nie… kieiebakke is nie my sterk punt nie!

    1. Amandaskrywer(Aduppie)

      6 Junie 2022 at 9:48 vm

      Haha ek dink ook nie dis vir my nie.

Het jy iets op die hart? Gesels saam

This site uses Akismet to reduce spam. Learn how your comment data is processed.

%d bloggers like this: