Rubriek

Aktuele rubriek

deur Amanda Spies du Plessis

Omtrent Rubrieke

Rubrieke is basies artikels waarin die skrywer sy of haar opinie met die lesers deel.

Tipes Rubrieke

• Komies
• Polities
• Aktueel
• Nostalgies
• Vakkundig
• Teetyd kuiers

Vreemde wette in Suid-Afrika sowaar as wat padda panel dra. Ek het die eerste keer met die vreemde wette te doen gehad toe ek nog ’n jong konstabel in die Polisie was. My Offisier was moeg vir ons wat so ledig in die Aanklagte kantoor rondgesit het tydens ’n stil dag. Hy het ’n dik boek voor ons neergesit en ons beveel om strate toe te gaan en mense te soek wat oortredings begaan.

In die boek was vreemde wette in Suid-Afrika wat vêr teruggaan. Wette van voor ons onder Britse bewind was en daarna. Baie wette bestaan steeds – raar maar waar.

Die bestuurder van ’n motor moet sy motor tot stilstand bring wanneer ’n herder sy skape/beeste oor die pad lei. Jy mag nie op hulle skree om vinnig te maak nie.

Dit is onwettig om ’n motor/trok of enige ander voertuig te bestuur wanneer ’n dier bo-op die dak van die motor is.

Jy mag onder geen omstandighede ’n beer  (ja jy het reg gehoor) saam met jou vat wanneer jy die kroeg besoek nie. Dit is ook onwettig om met ’n beer te stoei.

Dit is teen ons wette om met ’n olifant op ’n publieke straat te stap tensy jy skriftelike toestemming het

Geen volstruise mag in agterplase aangehou word nie – dis streng verbode.

Dit is verpligtend om jou toeter te druk voordat jy ’n tonnel binnery

Fortuin vertellery vir geld is teen die wet. Nogal die wet op heksery word dit genoem.

Jy mag nie ’n kostuum wat jou ware identiteit verbloem dra wanneer enige perseel betree word nie – ook nie partytjie super held klere nie.

Jy mag nie ‘n draai roomys eet wanneer jy oor die hoofstraat stap nie – net op die sypaadjie.

Daardie dag met die boek in die Polisiekantoor het ons jonges baie pret gehad en selfs ons Bevelvoerder verras met die boetes wat ons uitgeskryf het. Die slagoffers van die boetes het egter nie gedink dit was snaaks nie.