Spaghetti ala Amanda

Voila! Geniet ’n heerlike maaltyd. Dis genoeg vir 2 mense so nooi ’n vriendin oor vir Spaghetti ala Amanda en ’n gesellige kuier. Geniet saam met ’n glasie wyn of ystee.

Bestanddele:

• Spaghetti vir 2 mense
• Halwe uie opgekap
• 200 gram beef maalvleis
• 1 seldery vinger in stukkies gesny
• 1 Gerasperde wortel
• 1 pakkie tamatie paste
• 1 geklitste eier
• Basil
• Pietersielie
• Sout
• Pecorino kaas of Parmesan fyn gerasper
• Olyfolie of Canola olie
• 1 Tamatie in klein stukkies opgesny

Metode:

• Frikadelle
• Maak dit heel eerste dit neem ’n tydjie. Sit die oond op 180C en smeer ’n bak met botter
• Sit die maalvleis in ’n mengbak
• Voeg by: gerasperde wortel, 1 eetlepel pecorino of parmesan kaas, sout en peper en tamatie paste.Meng goed en voeg geklitste eier by
• Vorm klein frikadelle en plaas in gesmeerde bak.
• Bak in oond vir ongeveer 30 minute of totdat dit goed gaar en stewig is.
• Nou kan jy solank vir jou ’n lekker ystee ingooi terwyl jy regmaak vir die sous
• Sous
• Braai die stukkies ui in olie tot goudbruin. Voeg die tamatie stukkies en seldery by en roer deur. Sny 2 basilie blare klein en roer deur. Voeg sout by en 1 koppie water. Laat dit stadig prut vir 30 minute. Maak solank die spaghetti terwyl die frikadelle in die oond is en die sous prut.
• Spaghetti
• Kook die spaghetti volgens die aanwysings op die pak – onthou al dente

Wenke:

• Let asb. op na die millimeters en gramme in die resep. Dit kan die verskil tussen sukses of flater wees.
• Bring als bymekaar: Skep 2 opskeplepels van die spaghetti water uit en meng dit met die sous. Roer ’n eetlepel Parmesan by.
• Neem ’n ronde bakkie en sit die spaghetti heel onder. Haal die frikadelle uit die oond. Sit die frikadelle bo-op die spaghetti en gooi die sous oor. Sprinkel ’n teelepel van die pecorino of parmesan kaas oor en versier met Basil en Pietersielie

Resepte word ‘n telling uit 5 kersies gegee – 1 is swak, 3 is gemiddeld en 5 is tops

Reis verder:

• Kosreise met resepte en kos stories
• Die Naguil is ‘n gratis aanlyn koerant wat maandeliks op die webblad verskyn.
• Stories – reis stories, trein stories, kos stories, polisie stories, kombuis stories
• Begin jou eie webblad met WordPress
• We also publish original articles, stories and opinions in English