Naguil koerant 7 van 2024

Met die Olimpiese Spele goed op dreef  geniet ek dit om die Atlete en verskillende sport items te bekyk. Veral die dissipline van die atlete. Determinasie, fiksheid, deursettingsvermoë.  Atlete het ’n baie kort loopbaan om die beste in hulle sport te wees en die Olimpiese Spele is die spreekwoordelike kersie op die koek. Die room van die oes. Stresvol vir die atlete wat deelneem – ontspanning vir my op die bank voor die televisie. Onder ’n kombers – dis winter.

Ons is nou baie deeglik in die laaste gedeelte van die jaar en stadig maar seker op ons pad na Lente toe. Ek vier elke seisoen, veral die verskillende kleurskemas in die natuur. In die winter is die bome kaal gestroop. Wintertyd is ook tyd om stil te word, asem te haal en energie bymekaar te maak. Dit dwing ons om tot verhaal te kom.

Geniet en omarm die laaste gedeelte van die winter. Lente is amper hier!

• Meeste van ons het al iets aanlyn gekoop en ontvang sonder enige probleme. Nou dink jouself in die skok toe ’n vrou van Colombia ewe gretig haar lang verwagte Amazon pakkie oopmaak en alles behalwe die lugbraaier kry wat sy bestel het.
• ’n Boer maak ’n plan lui die spreekwoord. Eintlik ’n ou plan wat nou nog werk. Kinders grootmaak is nie maklik nie en tieners kan ’n nagmerrie wees. So wat doen mens om seker te maak dat ’n tiener betyds huis toe kom na ’n aand uit saam met vriende? Hierdie familie gebruik steeds dieselfde beproefde resep
• Tydens die Olimpiese Spele het ’n Franse atleet gesorg vir baie grappies toe hy op pad was na Olimpiese glorie met ’n epiese paalspring poging en sy Franse baguette in die pad gestaan het tussen hom en ’n medalje. Oops!
• Die 2de Wêreldoorlog het die lewens van miljoene mense geneem. Een valskermsoldaat het egter oorleef en sy nalentskap lê in die weefsel van die valskerm wat sy lewe gered het. Soveel jare later beskerm dieselfde valskerm steeds die nasate.

Tuin praaitjies is n nuwe byvoeging tot die Naguil koerant waar ons gesels oor plante en blomme, mooi tuine van regoor die wêreld.

• Tanya Visser is ons eie tuin ghoeroe. Haar webblad is vol stories en inligting. Haar YouTube kanaal het video’s vir elke moontlike scenario en haar tydskrif Die Tuinier bevat ’n skatkis van artikels.  Tanya se artikels en video’s is eg Suid-Afrikaans en is juis daarom spesiaal.

Kosreise vervang die die vinnige resepte in die Naguil koerant. Kosreise is n nuwe webblad uit die pen van Amanda met resepte, kosstories, treinstories en kosstories van Suid Afrika na verskeie ander lande. Ons maak fynproewer kos in ons eie kombuise en leer nuwe resepte en idees.

• ·  Warm eiervrugslaai
• Warm eiervrugslaai is lekker saam met braaivleis of as vulsel
• ·  Semel beskuit
• Ouma Renda bak hierdie semel beskuit al vandat ek ’n klein dogtertjie was.
• ·  Aartappel mayo gebak
• Aartappel mayo gebak het een of ander tyd in ’n tydskrif verskyn en sy opwagting in my resepte boks gemaak.
• ·  Reis met kleinkinders
• Reis met kleinkinders is anders as in die tye toe ek ’n kind was

Daar is baie potensiële skrywers daarbuite wat ’n hupstoot nodig het sodat hulle drome kan vlerke kry.

• Afrifiksie – vir skrywers van wetenskap fiksie
• Vryskutskrywer – hulp vir opkomende en gevestigde skrywers
• Litnet – artikels, skryf hulp
• Skryfgeheime – skryf kursusse
• ANFASA – Ondersteuning nie fiksie
• Versindaba – Ondersteuning vir digters
• ROSA – roman skrywers SA
• Afrifiksie – wetenskapfiksie en fantasie in Afrikaans
• Publishers Association of South Africa PASA
• Self publish SA – self publikasie
  Sela boeke – hulp en ondersteuning self publikasie
  Groep7 drukkers – self publikasie
  NS. Skrywershuis – self publikasie
• Celia van Niekerk – illustreerder
  Dianne Shearer – kinder boeke illustreerder

Die Naguil koerant is ‘n aanlyn koerant wat maandeliks gratis op die webblad verskyn. Kliek op die blou skakel in die storie en dit sal jou neem na die oorspronklike storie.