Souserige suurlemoen poeding

Bestanddele:

• 70g botter
• 180ml strooisuiker
• Sap en skil van 2 suurlemoene
• 3 ekstra-groot eiers, geskei
• 60ml koekmeel
• 180ml melk

Metode:

• Voorverhit die oond tot 180 grade
• Smeer ‘n medium diep oondbak goed met botter.
• Room die botter en suiker saam tot romerig
• Voeg die suurlemoenskil en eiergele by en klits goed
• Voeg die meel, melk en suurlemoensap by en klits goed
• Klits die eierwitte in ‘n aparte bak tot stywe punte vorm en vou by die suurlemoen mengsel in.
• Gooi in die oondbak. Plaas die bak met die beslag in ‘n groter oondbak met water onder in.
• Bak tot gaar – 45 minute tot 1 uur

Wenke:

• Let asb. op na die millimeters en gramme in die resep. Dit kan die verskil tussen sukses of flater wees.
• Ek het suurlemoene uit my tuin gebruik. Eureka suurlemoene. Twee suurlemoene was volgens my smaak net te kragtig. My kiewe het ietwat styf getrek en ek sal volgende keer net 1 suurlemoen gebruik. Natuurlik maak die grote van die suurlemoene ook saak.

Resepte word ‘n telling uit 5 kersies gegee – 1 is swak, 3 is gemiddeld en 5 is tops

Explore/Reis verder:

• Kosreise met resepte en kos stories – Food travel with recipes and stories about food
• Die Naguil is ‘n gratis aanlyn koerant wat maandeliks op die webblad verskyn. – Online newspaper
• Stories – reis stories, trein stories, kos stories, polisie stories, kombuis stories
• In-depth investigations – In-diepte ondersoeke.
• Teetyd kuiers – Teatime chats – Light hearted chats
• Begin jou eie webblad met WordPress – start your own website
• We also publish original articles, stories and opinions in English