Gesondheidsbroodjie

Hierdie gesondheidsbroodjie of sade brood soos ek dit noem is maklik en vinnig om aanmekaar te slaan. Dis vullend en smaaklik. Die resep het in Wenresepte 3 verskyn. Ek het hierdie broodjie op die proef gestel so hier is my bevinding

Bestanddele:

• 500 mℓ volkoringmeel (2 koppies)
• 250 mℓ koring gemaal of gerol (1 koppie)
• 250 mℓ muesli (1 koppie)
• 15 mℓ uitgedopte sonneblomsaad (1 eetlepel)
• 5 mℓ sesame saad (1 teelepel)
• 5 ml koeksoda (1 teelepel)
• 5 mℓ sout (1 teelepel)
• 500 mℓ ongegeurde yoghurt (2 koppies)
• 15 mℓ heuning (1 eetlepel)
• Ekstra sesame saad om oor die broodjie te strooi

Metode:

• Voorverhit die oond tot 180 C
• Smeer ’n broodpan met botter of margarien of spuit met Spray and Cook
• Meng die meel, koring, sonneblomsaad, sesame saad, koeksoda en sout.
• Voeg die yoghurt en heuning by en meng dit goed.
• Gooi die deeg in die gesmeerde broodpan en maak gelyk
• Strooi n bietjie sesame saad bo-op die brood mengsel
• Bak die brood vir 1 uur lank
• Keer dit uit op ’n draadrak en laat afkoel.

Wenke:

• Let asb. op na die millimeters en gramme in die resep. Dit kan die verskil tussen sukses of flater wees.
• Laat die brood koud word voordat dit aangesny word – ek weet dis moeilik want dit ruik net te lekker. Ek het die koring in my koffieboon masjien gemaal wat baie goed gewerk het.

Resepte word ‘n telling uit 5 kersies gegee – 1 is swak, 3 is gemiddeld en 5 is tops

Reis verder:

• Kosreise met resepte en kos stories
• Die Naguil is ‘n gratis aanlyn koerant wat maandeliks op die webblad verskyn.
• Stories – reis stories, trein stories, kos stories, polisie stories, kombuis stories
• Begin jou eie webblad met WordPress
• We also publish original articles, stories and opinions in English