Pen en papier

Pen en papier. Vergeet digitale nota boeke. Pen en papier is geensins outyds nie. Dis by verre die mees betroubaarste. Jy het ook nie krag of batterye nodig nie. Ek het alewig ‘n papier of notaboek naby en ek verkies ‘n potlood sodat ek kan uitvee indien nodig. Ek skryf alles neer: inkopies, rekeninge wat betaal moet word, dinge wat gedoen moet word – onthou dinge

In my tienerjare was ek altyd aan die lysies maak. My Ma praat nou nog daaroor

Tydens skooljare sou ek notas neerskryf van my aktiwiteite, drome en ideale, beplannings en roosters optrek vir eksamens. Sekere dinge verander nooit nie. Dikwels het ek notas agterin my huiswerk boek geskryf. Deesdae is dit ‘n notaboek. Ek sal wel soms aantekeninge op my foon se notaboek maak soos bv. wanneer ek in die winkel is en iets kom op wat ek nie durf vergeet nie. Wanneer ek egter tuis kom skryf ek dit weer oor in my getroue notaboek.

My notaboeke word geliaseer wanneer hulle vol is.

Ek moet bieg – dit word nie weggegooi nie. Die rede is egter goed dink ek. Sien tussen die blaaie word wagwoorde, telefoonnommers, name en adresse en idees ook neergeskryf en dis belangrik om dit te hou. Glo my ek het dit al dikwels agterna nodig gekry. Die neerskrywery werk vir my so hoekom iets verander wat werk?

Explore/Kuier verder

• Kosreise met resepte en kos stories – Food travel with recipes and stories about food
• Die Naguil is ‘n gratis aanlyn koerant wat maandeliks op die webblad verskyn. – Online newspaper
• Stories – reis stories, trein stories, kos stories, polisie stories, kombuis stories
• In-depth investigations – In-diepte ondersoeke.
• Teetyd kuiers – Teatime chats – Light hearted chats
• Begin jou eie webblad met WordPress – start your own website
• We also publish original articles, stories and opinions in English