Naguil koerant uitgawe 5 van 2022 nou beskikbaar op die webblad met nuwe nuus brokkies en interressanthede. Die Naguil is ‘n aanlyn koerant wat weekliks op Amandaskrywer gepubliseer word met Bertie die Naguil as gasheer . Die koerant bring nuwe en unieke stories en bevorder lees en daarmee saam boeke waarin jy die leser moontlik in belang kan stel. Reageer op die blou skakel in die storie en dit sal jou neem na die oorspronklike. Geniet.

Bertie aan die beurt

Goeie dag mense maats groot en klein. Ek weet nie van julle nie, maar die afgelope tyd was dit nogals warm hier. Hoop dit gaan goed met almal.

Skrywer sêgoed

Uys Krige aan die woord

• “Die Wonder van Afrikaans is vir my dat mense soos Leipoldt, Celliers, Totius dit reggekry het om sommer so uit die gesproke ritme van die volk te begin skryf, waar die Engelse digters eers dertig jaar later by uitgekom het.”
• “’n Skrywer durf net oor ’n medeskrywer se werk skryf as hy waardering het vir daardie skrywer.”
• “Jy wil as gevoelige mens wat die lewe liefhet, getuig van daardie lewe, van sy goed en sy kwaad, want dié is een.” (Gesprekke met skrywers, 3. Tafelberg, 1973)
• “In party opsigte is die lewe soos die Oranjerivier wanneer hy in volle vloed verbyjaag. Hy is vol blikke en takke en goeters, daar’s ’n dooie donkie in of ’n skaap of ’n aasvoël of ’n jakkals en dit stroom alles verby en die ou rivier bly geel en troebel en onstuimig. Maar die skrywer of digter neem ’n deel van daai stroom en hy verstil hom tot ’n poel wat kalm en helder en deurskynend is en wat die son en die hemel en die sterre weerkaats.” (Gesprekke met skrywers, 3. Tafelberg, 1973)
• Oor sy reise oorsee: “Dit is juis om ’n breër perspektief en ’n groter liefde vir my taal te kry dat ek gegaan het en hoe meer tale ek geleer het, hoe meer het ek Afrikaans liefgekry.”“Daar is niks in die hemel of op die aarde of onder die see wat nie in Afrikaans uitgedruk kan word nie. Dit is op die veld gebore en is so eie aan ons land as die lang geel gras eie aan die grootste deel van Suid-Afrika.”
• In 1985 of hy die land sal verlaat: “Nou wat sal ek voor gaan? Ek woon al 260 jaar hier! Ek kan dit nie insien nie, ek kan my dit nie verbeel nie, ek dink vir geen oomblik daaraan nie, maar as dit dan nou moet, dan gaan ek Italië toe. Maar ek kan my dit nie verbeel nie. Ek behoort aan dié land.”

Oupa Leesuil gesels boeke en sy mense

Ek het op hierdie oeroue onderhoud met Marita van der Vyver afgekom en dit is goed om te lees. Sy beantwoord bewonderaars se vrae waaronder:

• Indien jou boeke dieselfde taalpad as byvoorbeeld Daar’s vis innie punch volg, sou mens dalk met ’n titel soos Griet script ’n sprokie te doen kry. Wat’s jou input oor Afrikaans en Engels wat dieselfde sin deel?
• As jy Survivor moes speel met al die karakters in Wegkomkans, wie sou jy eerste van die eiland afskop en hoekom?
• Beskou jy jouself as ’n “literêre” skrywer, of skryf jy vir ’n ander mark?

Stories oor plekke en sy mense

• In hierdie artikel deur Afrifiksie gaan jy terug in tyd en die toekoms binne met Afrikaanse wetenskap fiksie tydskrifte. Ek moet erken dat ek nie eers geweet het daar was sulke boeke of tydskrifte nie.
• Skandinawië het ‘n ietwat vreemde fliek ervaring vir mense te skep deur ‘n hipnotiseur in te bring wat mense voor die fliek gehipnotiseer het en hulle weer uit hipnose geneem het na die fliek. Lees bietjie hoe die fliek gangers dit ervaar het.

Roep,roep my storie is uit

So kom ons dan aan die einde van nog ‘n naguil Hoop julle het die uitgawe geniet. Tot volgende week. Mooi loop.

Groetnis vanuit die woud
Bertie

P.S. Julle is welkom om julle bydraes van mense, plekke in te stuur vir oorweging of sommer net saam te gesels. Rig julle skrywes aan Bertie.