En so gaan ons die 2de maand van die nuwe jaar binne: Warm tot vrek warm. My Ma het altyd die deure en vensters toegehou tussen 11vm en 4nm om die huis binne koel te hou. Volgens haar hou jy dan die hitte buite. My Ma het dit by my Ouma geleer en na jare van rebelleer moet ek erken: Dit werk! Ek kla egter nie oor die hitte nie en geniet elke seisoen.

Na ’n doller as kop-af 3 maande is dit lekker om weer ontspanne te sit en skryf. Ek het my skryfkamer ’n nuwe jaar skoonmaak gegee en nou kom die inspirasie weer behoorlik terug.

Kosreise is aan die einde van 2023 gebore en daar maak ons kos, gaan op reis en deel stories. Jy is welkom om saam te kuier.

Die Naguil koerant 2 van 2024 lyk bietjie anders. Ook die koerant het ’n skoonmaak gekry. Skrywers hulp is aangevul met nuwe en ou inligting en sal steeds bygewerk word soos nuwe dinge op die horison verskyn.  Die ou boek en nuwe boek kollig spog nou met foto’s van die boeke onder bespreking. So ook die skrywer van die maand. Dan is daar ’n splinternuwe insetsel oor tuine van Suid-Afrika en die wêreld. Dus is daar nou iets vir almal. Ontspanne, positiewe leesstof. Geniet hierdie uitgawe en deel gerus julle mening. Dis altyd lekker om van my lesers te hoor.

Hester Heese 26 Oktober 1911 – 24 Mei 1992

Me. Hester was bekend as ’n kinderboek skrywer, jeugskrywer, volwasse skrywer, toneel skrywer en skrywer van godsdiens drama’s. Sy was reeds in haar 50’s voordat sy haar eerste boek geskryf het.
Sy het verskeie toekennings  en eerbewyse in haar lewe ontvang. Hester was getroud met Kallie en saam het hulle 5 kinders grootgemaak.

Kleuter

Wat is daai – hè Pappa? Is die verhaal van Johan en sy Pa wat gaan stap Die mooiste is egter Mamma wat by die huis wag op hulle terugkoms.

Piet Vrolik en Ben Verstrooi is die storie van twee maats, Piet en Ben, wie se trae verstand sukkel om die regte planne te maak.

Skoolgaande kinders

Die huis op pale is ’n verhaal wat in Pieter se verbeelding afspeel tydens sy rit saam met Albert, wat by sy ouma Mien in die tuin werk, na sy ouma se huis op Ver-eiland by die see.

Polka-masurka beskryf ’n sorgvrye kindertyd, waarin die byna elfjarige Maria en haar verhouding met haar Pa

Jeugverhale

Frans se vyf dae in Desember vertel van die elfjarige Frans se verhoudings binne en buite sy familie. Sy oupa vertel vir hom stories oor die verlede van ’n seun met die naam François

Miekel Marais is veertien jaar oud en die hoofkarakter in Miekel die koerantjoggie. Kort na hulle na Stellenbosch verhuis is sy pa in ’n motorongeluk dood en is sy ma in die hospitaal opgeneem

Volwasse

Sonder jou. Hierdie gedigte is geskryf na die dood van haar man en bevat verse oor herinnerings

Ek gooi die luike oop is kort vertellings van haar lewe saam met haar man en kinders – ’n tipe van outobiografie

• Marion Foster is een van Skotland se laaste kilt (Skotse rompie) makers. Dis ’n kuns wat besig is om uit te sterf. Sy het met die idee vorendag gekom om aanlyn kursusse in kilt aan te bied en so seker te maak dat die kunsvorm nie uitsterf nie.
• Emilia Earhart het in 1937  met haar vliegtuig vermis geraak. ’n Diepsee ontdekker ’n vliegtuig soortgelyk aan die van Emilia op die seebodem ontdek. Sal die raaisel van Emilia en haar vermiste vliegtuig uiteindelik opgelos word?
• ’n Jong man van California Mychal Threets is op sy eie manier besig om biblioteke en die positiewe wêreld van lees te bevorder deur dit op Sosiale media op ’n prettige manier te bemark.

Tuin praaitjies is n nuwe byvoeging tot die Naguil koerant waar ons gesels oor plante en blomme, mooi tuine van regoor die wêreld.

• Kyk net hierdie pragtige lowerryke tuin in die middel van Johannesburg.  Die idee om ’n swembad te omskep in ’n pond was goed en dit lyk eintlik baie natuurlik.
• Die Suid-Afrikaanse Cape Mellow of anisodontea-capensisis ’n pragtige plant wat heeljaar pienk blomme voortbring. Dis inheems en val in die tropiese familie. Is dit nie te mooi nie?
• Tanya Visser ons eie tuin ghoeroe wys hoe maklik dit is om jou eie sement ornamente te maak.
• Die bekroonde David Attenborough neem ons op reis deur die lewe van plante in die woestyn.

Kosreise vervang die die vinnige resepte in die Naguil koerant.

Kosreise is n nuwe webblad uit die pen van Amanda met resepte, kosstories, treinstories en kosstories van Suid Afrika na verskeie ander lande. Ons maak fynproewer kos in ons eie kombuise en leer nuwe resepte en idees.

• Op 11 November 2023 het Kos reise sy buiging gemaak. Daar word gebak en gekook asook stories vertel van kos en treine.
• Volkoring Gemmerkoekies vars uit die oond
• So ry die trein na Rhodesia – ’n trein storie
• Franse uiesop – Die Frans gebore Jacques het saam met Julia Child Franse kos opgetower
• Besoek Kosreise vir nog Resepte, Kos en trein stories

Daar is baie potensiële skrywers daarbuite wat ’n hupstoot nodig het sodat hulle drome kan vlerke kry.

• Afrifiksie – vir skrywers van wetenskap fiksie
• Vryskutskrywer – hulp vir opkomende en gevestigde skrywers
• Litnet – artikels, skryf hulp
• Skryfgeheime – skryf kursusse
• ANFASA – Ondersteuning nie fiksie
• Versindaba – Ondersteuning vir digters
• ROSA – roman skrywers SA
• Afrifiksie – wetenskapfiksie en fantasie in Afrikaans
• Publishers Association of South Africa PASA
• Self publish SA – self publikasie
  Sela boeke – hulp en ondersteuning self publikasie
  Groep7 drukkers – self publikasie
  NS. Skrywershuis – self publikasie
• Celia van Niekerk – illustreerder
  Dianne Shearer – kinder boeke illustreerder

Die Naguil koerant is ‘n aanlyn koerant wat maandeliks gratis op die webblad verskyn. Kliek op die blou skakel in die storie en dit sal jou neem na die oorspronklike storie.