Dit is wel met my siel

dit is wel met my siel

Dit is wel met my siel is ‘n vertaalde Christelike lied. Die lied het ‘n hartseer verhaal agter die woorde. Elke Sondag sing ons geestelike liedere min wetende hoe en waar die lied ontstaan het – ons dink nie eintlik daaraan nie. Dikwels staan die skrywer se naam langs die titel van die lied en vir ons is dit net ‘n naam. Horatio G. Spafford is die skrywer van die lied It is well with my soul.

Dit is wel met my siel

Die afrikaanse weergawe is deur verskeie kunstenaars opgeneem onder andere Rina Hugo en Piet Smit. Die lied se Afrikaanse lirieke verskyn in die Halleluja boek nr 261

1. AS VREDE MY PAD DEUR DIE WêRELD VERLIG,

AS SMARTE MY DREIG TE VERNIEL,

DAN ANTWOORD EK VRY, WATTER LOT MY OOK TREF:

DIT IS WEL, DIT IS WEL MET MY SIEL!

KOOR: DIT IS WEL, DIT IS WEL, MET MY SIEL

2. HOE FEL DIE BESOEKING, HOE SATAN OOK TRAG

OM MY TE VERTRAP MET SY HIEL,

STEEDS GRYP EK WEER MOED, WANT MY HEILAND IS DAAR,

EN HY STORT NUWE KRAG IN MY SIEL.

3. VOORHEEN HET DIE SONDE GEDURIG GEKWEL,

EN DIKWELS MY VREUGDE VERTEER;

NOU’S ALLES VERGEEF EN GEHEG AAN SY KRUIS:

O MY SIEL, LOOF DIE HEER, LOOF DIE HEER!

KOOR: DIT IS WEL, DIT IS WEL, MET MY SIEL

4. VOORTAAN IS DIT CHRISTUS, JA, CHRISTUS ALLEEN,

SELFS WAAR EK IN DROEFHEID MOET KNIEL;

GEEN STRYD IS TE SWAAR NIE, IN LEWE EN DOOD

BLY MY HEILAND DIE TROOS VAN MY SIEL.

5. JA HEER DIS OP U OP U KOMS DAT EK WAG;

DIE HOOP SAL MY ALTYD BESIEL;

DAN KLINK OP DIE WOLKE DIE STEM VAN DIE HEER –

O HOE SALIG DIE UUR VIR MY SIEL!

Die hartseer agter die lirieke

Horatio, ‘n prokureur van beroep en sy vrou Anna was die trotse ouers van 4 dogters en ‘n seun in 1871. Hulle seun is op 4 jaar aan skarlaken koors oorlede terwyl reuse brande in die Chicago area in Amerika gewoed het. Die dood van hulle jong seun het die gesin in groot hartseer gedompel. Horatio besluit toe om sy familie met vakansie na Londen te neem. Hy het sy vrou en 4 dogters op ‘n boot gesit terwyl hy noodsaaklike werk afgehandel het met die voorneme om later by hulle aan te sluit.

Oppad na Londen het die boot tydens ‘n storm gesink en al 4 sy dogters is oorlede

Horatio het dadelik met ‘n ander boot vertrek om by sy vrou aan te sluit. Terwyl hulle oor die area geseil het waar sy kinders omgekom het, het hy hierdie treffende lied geskryf en daarmee hoop en omgee vir ander gegee -selfs jare na sy dood.

Dankie vir die saam kuier. Praat saam en teken in op die nuusbrief. Lewer kommentaar en vertel ander van die webblad.

Het jy iets op die hart? Gesels saam

This site uses Akismet to reduce spam. Learn how your comment data is processed.

%d bloggers like this: